مرني طيفك..وطيفك صاحبي ما أدري عدوي؟!

مرني طيفك..وطيفك صاحبي ما أدري عدوي؟!
جايب صوتك . . وصوتك سكة الذكرى الحزينه

قال: انا جوي تكدر..قلت:ماهو كثر جوي
قال:فرقانا غبينه . .قلت: واكثر من غبينه

قال:انا ب..أموت من غيبتكقل لي وش اسوي؟!
قلت:أنا ابغي الموت في غيبتك قل لي بس وينه؟!

قبل ترحل كنت أقول:بيسرح أيام ويضوي
مثل ماعودني اليا اشتقت له جابه حنينه

بس ه..المرة ثمان شهور وضلوعي تدوي
كل يوم أشتاق لك..يعلن أبو الشوق وسنينه

كل ماعشمت قلبي..قال:ياضلوعي تقوي..؟!
ورحت أنا وياه نرقب رجعة اللي فاقدينه

نوب أقول:اليا رجع بكون في قمة هدوي
ونوب أقول: إلا بزعل..وأتلى مابيني وبينه..!

كل يوم اجلس على جال البحر وأقول: ((توي))
لاسألني: مافقدت الحلم في لمسة يدينه؟!

مادريت إن البحر ماقال لأمواجه: ((تروي))
ومادريت إن ((الغرق))هو حجة غياب السفينه

مادريت..أومابغيت أدري..ولا أدري وش ب..أسوي
لو رجعت وشفت طيفك في الممرات الحزينه؟!

وين ابنسى؟!..وأنت طيفك(صاحبي مأدري عدوي)
مارضي يترك لغيره شبر واحد في المدينه...!

شكرا لكِ أمّورة

كلمات حلوة

يعطيكِ العافية

إلى الأمام مع التقدّم والإحسان

في حمى الرحمن

منور اخي ابراهيم